E hënë – e shtunë, 08:00–20:00Laborator në Prishtinë, vetëm me takim · 043 997 909 · WhatsApp

Dorëzimi i pajisjes në Prishtinë

Laboratori në Bulevardin Bill Klinton ju pret nga e hëna në të shtunë, vetëm me takim të lënë me telefon.

Katër hapa, vetëm me takim

  1. Hapni rastin

    Me formularin në recdata.al (zgjidhni Prishtinën), në një minutë. Me email ju vjen numri i rastit. Mund ta hapim edhe ne gjatë telefonatës.

  2. Thirrni për takimin

    Në 043 997 909 (edhe WhatsApp) zgjidhni ditën dhe orën, nga e hëna në të shtunë, 08:00–20:00. Kur vini, thoni numrin e rastit dhe paguani diagnozën: 50 € (Ekonomik) ose 100 € (Urgjent).

  3. Merrni fletën e pranimit

    Ju japim një fletë me numrin e rastit dhe përshkrimin e pajisjes që na latë.

  4. Nis diagnoza

    Brenda afatit të nivelit që zgjodhët, ju vjen oferta me email ose me telefon.

Adresa

Orari:

  • E hënë – e shtunë, me takim08:00 – 20:00
  • E dielMbyllur

Si ta përgatitni pajisjen

  • Nëse nuk e dini cilën pjesë të hiqni, mos hiqni asgjë: sillni pajisjen e plotë.
  • Diskun ose SSD-në futeni në një qese antistatike; nëse nuk keni, në një qese plastike të pastër.
  • Mbështilleni me material me flluska ose me një peshqir, që të mos lëvizë në makinë.
  • Te NAS-et dhe RAID-et, shkruani mbi çdo disk numrin e vendit ku ishte.
  • Telefon i lagur: mos e karikoni dhe mos e ngrohni. Sillni atë të fikur, sa më shpejt.
  • Fjalëkalimet (Windows, BitLocker, kodi i telefonit) na i jepni në telefon, jo të shkruara mbi pajisje.

Disku apo i gjithë kompjuteri?

Për një PC tavoline ose laptop ku disku del lehtë, mjafton disku. Sillni pajisjen e plotë kur kemi të bëjmë me MacBook të rinj, me laptopë me SSD të salduar ose të enkriptuar, me telefona dhe tabletë, dhe me disqe të jashtëm ku porta USB është pjesë e pllakës.

Nuk mund të vini vetë?

Pajisjen mund ta sjellë dikush që ju i besoni, me numrin e rastit. Për klientët nga jashtë Kosovës, na shkruani dhe gjejmë zgjidhjen më praktike. Nëse jeni në Shqipëri, mund ta dorëzoni edhe në Tiranë: recdata.al.

Thirrni laboratorinKërko diagnozë